நண்டுக்கறி
தேவையான பொருட்கள்:
நண்டு – 4 (500கிராம் )
பெரிய வெங்காயம் – 2
பச்சை மிளகாய் - 4
பூண்டு - 6
இஞ்சி - சிறு துண்டு
மிளகாய்த்தூள்- 3 தேக்கரண்டி (தேவையான உறைப்பிற்கேற்ப)
மஞ்சள்தூள் – சிறிதளவு
பெருஞ்சீரகம் (சோம்பு) - 1 தேக்கரண்டி
கடுகு – சிறிதளவு
மிளகு – சிறிதளவு
வெந்தயம் – சிறிதளவு
தேங்காய் – பாதி (துருவிய பூ)
பழப்புளி – சிறு எலுமிச்சை அளவு உருண்டை.
எண்ணெய் – தாளிக்கத் தேவையான அளவு
கறிவேப்பிலை, உப்பு, புளி - தேவையான அளவு
செய்முறை:
1 நண்டைச் சுத்தம் செய்து, பெரியதெனில் நான்காகவும் சிறியதாயின் இரண்டாகவும் உடைத்துக்கொள்ளுங்கள். பெரிய கால்களை இரண்டாக முறிக்கலாம்.
2 வெங்காயம், பச்சைமிளகாயை நீட்டு நீட்டாக வெட்டித் தனித்தனியாக வைத்துக்கொள்ளுங்கள்.
3 உள்ளியையும் இஞ்சியையும் பேஸ்ட் பண்ணிக்கொள்ளுங்கள். சிறு உரல் இருந்தால் இடித்து எடுக்கலாம். அல்லது காரட் சீவுவதில்(சிறு அச்சில்)சீவி எடுங்கள்.
4. பெருஞ்சீரகம், மிளகு, தேங்காய் பூ என்பவற்றை வறுத்து, மிக்சியில் பேஸ்ட் போல அரைத்துக் கொள்ளுங்கள். ( தேங்காய் பூ பொன்னிறமாக வரவேண்டும்.)
5. கறி சமைக்கும் பாத்திரத்தில் (அடி கனமானதாயின் நன்று) சிறிதளவு எண்ணெய் ஊற்றி, சூடேறியதும் கடுகு சேர்த்து, வெடித்ததும், பெருஞ்சீரகத்தை சேர்த்துக்கொள்ளுங்கள்.
6 பின், வெந்தயம் சேர்த்து, அது நிறம் மாறத் தொடங்க, வெட்டிவைத்த வெங்காயத்தையும், பச்சை மிள்காயையும், உள்ளி இஞ்சி பேஸ்ட்டையும் போட்டு நன்றாக வதக்கவும்.
7 பின், நண்டை போட்டு கிழறி வதங்க விடவும். கொஞ்சம் வதங்கி வந்ததும் அதற்குள் பழப்புளியைக் கரைத்து விடவும். அத்துடன் நண்டு அவியத் தேவையான அளவு தண்ணீர் சேர்க்கவும்.
8 அடுத்து, மிளகாய்தூள், உப்பு என்பவற்றைச் சேர்த்து, கலந்து மூடி அவிய விடவும்.
9 நண்டு அரை அவியல் அவிந்ததும் அதற்குள் தேங்காய் பேஸ்ட் கலந்து நன்றாக பிரட்டி மீண்டும் கொதிக்க விடவும்.
10 நண்டு நன்றாக வெந்து கறி பிரட்டலாக வரும் போது கறிவேப்பிலை சேர்த்து இறக்குங்கள்.
